صوت صفير
صوت صفير
القطر قرب ع المحطة
الناس بتجري زيطه زحمه
ع الرصيف
الواد بيفرش بالكتب
بياع بيجري بشاي خفيف
البنت واقفه بتنظر
قرب سور المحطه
بترتجف
الخوف مليها وكلها شوق
الدموع بتجري منهــــا
سيل ونازل ع الخدود
ع الرصيف
العساكر متجمعين
صوت طبول جوا الحيطان
صوت جرس آن الاون
ع الرصيف
ام قاعده بتنظر وادها راجع
م السفر .. والدموع ملو العيون
جوا البيبان قاعد هناك
راسم لها حلم السنين
حالف لها بأنها ضى العيون
مشتاق لها شوق السواقى
لدوارها فى ارضها
ع الرصيف
وشوش كتير .. وش واحد
كله خوف
وشى انا كان مخطوف
#الشاعر_اسامه_طايع
2015
2015
ليست هناك تعليقات:
إرسال تعليق