( خليــــك حنيـــن )
خليك حنين
لو ناويت تجرح هوايا
لوناويت ع الغدر اغدر
بس ما تكتر اسايا
أعترفلى بحب تانى
وانى راح وقتى وزمانى
قولى قلبك مش مكانى
وأنتهت بينا الحكايه
وخليك حنين
أنا أتحمل كل ده منك
من غير لف وكدب عليا
وميت مشكله تعملها ما بينا
وتزودلى ف دمع عينيه
عاوز تبعد بس بحجه
وتطلعنى أنا الغلطانه
ياه ع القسوه وع الانانيه
أرحم فيا شعور أنسانه
وخليك حنين
ليه بتدمر كل مابينا...فى يوم وليله
سيبلك فيا ذكرى لحبك...لحظه جميله
خلى فراقنا زى لؤانا
خلى بعادنا زى هوانا
أرحم فيا شعور أنسانه
وخليك حنين...
ليست هناك تعليقات:
إرسال تعليق