في عيد ميلادها جاءت لقبر
والدها الشهيد تناشده
ان يحتفل معها
ددددددددددددددددددددددددددد
اليوم ميلادي واجيت ارد احتفل
جبت يم كبرك الكيكه اوشمعتي
هذا اول عيد ماشوفك تجي
حركت اخدودي يوالد دمعتي
جيتك امبدله البست ثوبي الجديد
ردتك اتشاركني عيدي اوفرحتي
ليش هيج ايصير بينه اوماتجي
كلها محتاجينك امي اوخوتي
اشلون بس افرح واحسنك بعيد
واني تحرك كلبي بعدك وحدتي
كوم بس اليوم خل نفرح سوه
خلي بس لحظه اودع حصرتي
اخ يابويه اوعلي امن اشتاك الك
اشهك اوجن نار تطلع شهكتي
اوليلي مانامه ابد من غيبتك
انزعجت الجيران من كد ونتي
كوم ماريد اني غيرك من يجي
كوم بيدك بويه كصص كيكتي
وانت وزعهه اعله صحبانك يجوك
واليسئلك كول مولد لبنتي
كوم بويه ارجوك ويانه دروح
شوف تصويرك ترسها ال غرفتي
ابكل ركن حطيتلك صوره اوشموع
حتى اظل وياك اساهر ليلتي
كوم بويه امشيه ابو اليمه عليك
ياهو الي بعدك يراعي ابحالتي
ددددددددددددددددددددددددددددد
گوم بويه اشلون ترضه احنه نجوع
اوترضه يصدق علينه الاجنبي
لا ابد موشيمتك هاي ادري بيك
وادري ماترضاهه لو تحبي حبي
كوم ذلينه احنه بعدك كافي كوم
كلها طمعانه وحق روح النبي
كلها تنظرنه لچن نظرت غدر
غايه عدهم كلها من عدنه تبي
هذا طمعان ابمكانك غايته
اوهذا يحسب كلشي ماظنه غبي
حتى اهل الدين بيهم ماكو خير
لاتكول فلان بيهم صاحبي
دددددددددددددددددددددددد
كلها چذابه يبويه من يجون
غايه عدهم ابد مابيهم وفي
كلوبهم يابويه مابيها رحم
كلها شمات واجت بس تشتفي
لاتكول امأمن اوعندك صديق
يمكن اموصيه علينه اومكتفي
لاابد يابويه ماظل كل صديق
ناسك اتغيرت شغلهم بالخفي
الشاعر صالح الجابري
ليست هناك تعليقات:
إرسال تعليق