أغنية ( إنهارده هنام وأتلف بعلم ) ـ بقلم يحيي أحمد ، أمل مخيمر ، توأم روحى ، غادة الطيب

أغنيـــة 

( إنهارده هنام وأتلف بعلم ) 

مهداة لأم الدنيا مصر

...........................

بقلم / يحيي أحمد ـ أمل مخيمر ـ توأم روحى ـ غادة الطيب

.................................

*يحيي أحمد

إنهـارده هنــام  ....  واتلــف بعلــــم
علمـك يـا بلادى ....

يـا  مـصـــر .... يـا أجمـل وطـــن
إنهارده هنـــام ....  وجوا قلبى  زفـة وفرح

فرحة العالم بشعب رسـم الأمل على جبين الزمن

رح أغنى واغنى  دا الفجر بينده ونوره طــرح

.............................................

بحبــــك .. أيـوه بحبـك

بحبــك انتـى يـا بنـت النيـل  يـا سمــرة

يـا مصـر يـا تـاج فـوق جبيـن الأمـــم
بحبـك يا صافيـة .... يا صابرة على كل المحن

إنهـارده هنــام  ....  واتلــف بعلــــم
علمـك يـا بلادى ....

يـا  مـصـــر .... يـا أجمـل وطـــن

..............................................

يحيك يا مصـر

بحبــك أم بتعلـم ولادهـا حكايــة  وطـن
يا أرض فــارده إيـدهـا  حضـن وسـكـن

يا نيل بيجرى جوا عمرى ويحكى حكاية  شجـن
إنهـارده هنــام  ....  واتلــف بعلــــم
علمـك يـا بلادى ....

يـا  مـصـــر .... يـا أجمـل وطـــن

............................................

فاكـره يامـه غناويكى تحـت ضـى القمــر
فاكـره يا أمــه دموعــك فـى الفجريــة
ياما نمت فى حضنك وما تعبك طول السهـــر
بحبك يا أمـه وقت تدعيلى سعــت صبحيــة

بحبك وانتى راضيه عليا لمــا يحيـن السفــر

إنهـارده هنــام  ....  واتلــف بعلــــم
علمـك يـا بلادى ....

يـا  مـصـــر .... يـا أجمـل وطـــن

-------------------------------------------------

*  أمل مخيمر :

إنهـارده هنــام  ....  واتلــف بعلــــم
علمـك يـا بلادى ....

يـا  مـصـــر .... يـا أجمـل وطـــن
من يوم ولادتى يا أمـه وأنا بترابـك متـحنيـه
وفى صباى لهيت ولعبت واتـرسمت أحلى صبية

يــاااه يامــه
وفى زفافى فرحت بوجــودى  تحت حمــاكى
وفى مـماتـى بتمنــى اتـلحـف بثـراكــى

رح أصون حـدودك .. وأفــديــكـى بدمـى
وان مت أمانة يا أمــه تكفنينــى بأجمل علـم

علمــك يـا بــلادى  يا أجمــل وطـــن

..................................................

تــوأم روحــى

قومت الصبح من بـدرى ... لبسـت ورجعت فطرتينـى
وانتـى جريتى بسرعـة ... بوستينـى وبدفـا حضنتينـى
كان نفسى أحضنك أكتـر... وانتـى اللـى استعجـلتيـنى
قولتيلى يالا بسرعة قـوام ... ومـش عايـزه تأخرينــى
خدنى الأتوبيس وروحـت ...ع الجيش لمطرح ما بيودينـى
أتـارى فاضـل ساعـات ...وتخلص  خـلاص سنينــى
ياخسارة بقى كان نفسى.. تيجى وتودعينى ...
كان نفسى افضل جنبك لحد ما تشوفينــى...
كبير ياامى وحاجه انفع انا بيها بلدي ودينى...
فى الجنه ياامه عايش فرحان ويـا زميلـى...
ما هو برضو جه معايا مرضيش يخلينــى...
هفضل معـاه يا أمـه لحد ماانتى تجينــى..

إنهـارده هنــام  ....  واتلــف بعلــــم
علمـك يـا بلادى ....

يـا  مـصـــر .... يـا أجمـل وطـــن

* غادة الطيب :

بحبـك يـا غاليـة على مـر الزمــن

وان يـوم غصب عنـي بعـدت عنـك

من لحظـة فراقـك بشتـاق لحضنــك

إنهـارده هنــام  ....  واتلــف بعلــــم
علمـك يـا بلادى ....

يـا  مـصـــر .... يـا أجمـل وطـــن

لو ع التاريخ اكتب بلادى تلاقى ألف ألف غنوة وحكاية بطل

طب نقول بداية .. واللى  نحكى رواية مليانـه عرق وأمـل

ياااااااااااه يا أمــه

الجـد مينا وحد شبابـك .. والعـم أحمـس قهـر عـداكِ

فاكـره ولادك  لما كتبوا قصة حياتــك

والزمن لما نادى ورسم جدودى أهراماتك

إنهـارده هنــام  ....  واتلــف بعلــــم
علمـك يـا بلادى ....

يـا  مـصـــر .... يـا أجمـل وطـــن

تحيــــا مصـــر