أخبار

الأربعاء، 19 أغسطس 2015

( عـــــــــادات 1 ) ـ بقلم الشاعر / عادل الشهابى

عـــــــــادات 1

نتكلم على خبر ونجيبه من أساسه
عاده سيئه بيعملها السائق فى مكروباصه ..
منها بكلكسه واجع رسنا وراسه ...
إيده على الكلاكس ما يشيلهاش ...
والكاست عالى ما يوطاش ...
والركاب أبدا ما يحترمهاش ...
فيهم المحترم و فيهم البرشمجى والحشاش ..
وفيهم اللى بيقل أدبه على بنات الناس ..
ماشى وفاكر الطريق طريقه ...
مش محترم راكب ولا حتى سواق صديقه ...
بيكون راكب معاه بنات ..
يتعمد يقول أسوء الكلمات ...
ولو حد جه يعاتبه ...
يرد والله أن كان عاجبه ..
من الشباك ماشى بيعاكس ...
أصله والد ضايع وفاكس ...
تكلمه فى رده بيكون باكس ...
يكلمك تحس أنه سكران ..
وسايق وكله توهان ...
وعقله كله سرحان ...
دى مهنه عاوزه الفايق ...
محترم وفى أخلاقه رايق ..
مش واحد الركاب منه تضايق ..
مالنا يا ناس إيه اللى جرالنا ...
بالمخدرات سائت أحوالنا ..
مش بنفرق بين أهلنا وجيرانا ..
أمتى بقا تانى هتفوق ..
وتصحصح يا عم وأنت بتسوق ..
وتعامل الركاب بخفه وذوق ...
دى مش المهنه الوحيده ...
بكره هنتكلم عن مهنه جديده ...

بقلــــــم: عـــــادل الشــــــهـــابى

مرسلة بواسطة في
التسميات:

ليست هناك تعليقات:

إرسال تعليق

الاشتراك في: تعليقات الرسالة (Atom)