( اعذرونى لو غبت عنكم ) ـ بقلم الشاعر / خالد العطار

اعذرونى لو غبت عنكم

اعذرونى لو غبت عنكم .
مش بخاطرى ...ومش بكيفي
شمس الحب لو غابت ..
......مش معناها موووت .
يمكن لما تغيب يتسلل برد المشاعر
بس أكيد بعد سواد الليل
شمسنا من تانى تعود .
ساعتها بنعرف معنى الدفا
وبنصرخ بأعلى صوت .
نترحم على ايام اللقا
وبنلعن فى البعد معنى السكوت .
اعذريني لو غبت عنك
ما أنا اللى بيكِ...وأنا اللي منك .
وأنا اللي هايم .
وأنا اللي عشقت فيكِ ريحة النسايم .
غبت عنك مش بخاطري .
وانتى عارفة مش بكيفي .
يوم ما سيبتك زرعت عطري .
......وسبت جواكِ طيفي .
اوعي تقولي ...انه مات .
وانه أصبح ذكريات .
أنا لسة قلبي بهواكِ نابض .
أنا حبي فى سماكِ مطر .
أنا بعدي عنك أمر عارض .
مكتوب البعد
وبعد الليل بييجي الفجر
............بأمر القدر .

الشاعر / خالد العطار