( أهلاً بك ) ـ بقلم الشاعر/ محمد عبدة

فراشتي

..........................................................................

أهــــلا بيـــــك

******

أهلا بيك
أهلا أنت مين
أنا اللي غبت عنك سنين
أنا اللي أحتاجتني كتير
أنا اللي سبتك للحزن والأنين
××××××××××××××××
لسه بردو مش فاكرني
*****************
أنا مش بحتاج لحد
أنا مش ميه أو شوك في ورد
أنا بشر عايش علي أرض
بفرق بين الدفي والبرد
××××××××××××
هفتكرك ازاي وأنت منين جاي
**********************
عندك حق تنساني
مأنت طول عمرك وحداني
وأنا بردو كنت ناسيك
وبروح لناس مش محتجاني
وعندك حق تنسي عنواني
بس الزمان أتغير تاني
×××××××××××
أتغير فين وازاي ومنين
****************
لسه العرق ع الجبين
ولسه الدمع جوه العين
ولسه بردو بنام حزين
ولسه بردو العشره ما بتدومش
ولسه في ناس ما بتحلمش
وفي عقول مريضه ما بتفهمش
×××××××××××××××××
ممكن بقي أعرف أنت مين
********************
أنا أعرفك من سنين
أنت لحظه حب وحنين
عشره عمر مش يومين
أيام ما كنت طفل وجنين
×××××××××××××
طفل وجنين وعايزني أفتكرك
*********************
أنا عمري أصلا ما كنت فاكرك
ممكن تكون عارفني وأنا مش عارفك
أو فاهمني وأنا مش فاهمك
أو عايزني وأنا مش عايزك
ولو كنت شاريني أنا بايعك
××××××××××××××
هتقولي بقي أنت مين
ولا هتفضل تسأل كتير
وأنا بجاوب ومش عارف
أنا أصلا بكلم مين
عرفتني أزي
وعرفت عني كل ده منين
××××××××××××××
جاي أقولك سامحني غصب عني
بعدت عنك كتير وأنت محتاجني
وعندك حق لما أجيلك
تكون أصلا مش محتاجلي
بس أنا زمان كنت أعرفك
وأنت كمان كنت عارفني
×××××××××××××
أنا الفرح
******
نعم قولت مين
فرح فرح أيه وجاي لمين
أنا سمعت الكلمه دي أمته وفين
لما كنت طفل صغير بفرح بلعبتين
وفي العديه يبقي معايا جنيه نصين
أفرح بيهم وأفرد درعاتي
وأجري بيهم كائني حمامه بجناحين
×××××××××××××××××××
قال فرح قال
*********
أمشي مكان ما جيت
أنت بقيت عني غريب
عمري بيك ما حسيت
ولا محتاج حبيب ولا قريب
أبعد عني وبلاش تقرب
أنا كبرت وفي بلادي بتغرب
××××××××××××××
أنسي وأنساني
أنا بقيت حد تاني

بقلم / محمد عبدة