( سألني انتي معايا ) ـ بقلم الشاعرة / سالى نادر

سألني انتي معايا

سألني انتي معايا ...
قلتله انت هوايا ...
ودوايا يا حبيبي ...
معاك انا للنهاية ...
حاسة بعقلي غايب...
تايهة وقلبي دايب ...
خايفة من الحقايق ...
يا حبيبي طمني بيك ...
م الكون ده كله انت ...
حابة اكونلك انت ...
مش عارفة ازاي وامتى ...
و دي كل الحكاية ...
عوضني بيك سنين ...
و عمر من الأنين ...
ما انا قبلك كنت تايهة ...
و معاك لقيت طريقي ...
محتاجة اكون معاك ...
و نعوض اللي فات ...
قلبي ما صدق لقاك ...
و اختارك ليه وطن ...
عاوزة حبك بقوة ...
احميني في قلبك جوة ...
خبيني بين ضلوعك ...
عيشني في دنيا تانية ...
من قلبي ليك بنادي ...
نبني بيتنا الهادي ...
يلا ايدك في ايدي ...
انت و أنا للنهاية...

سالــي نـــــادر