( بستناك ) ـ بقلم الشاعر / نادر المغلوب

!!_ _ _!_ _بستناك_ _!_ _ _!!

كل يوم نفس المكان
بستني فيه لحظة لقاك

علي الرمل ماشيه والبحر ساكن
والقلب دايب من هواك
ندهت ليك بأعلي صوتي
ياحبيبي نفسي أكون معاك
ما سمعت منك غير صدايا
رد قلبي خلاص نساك
كدبت نفسي علشان بحبك
مع إني عارفه إنك هناك
علي شط تاني مستني همسه
ترضي بيها غيوم سماك
تحس بيها وتلاغيها
ويحس قلبك مين نداك
ساعتها تعرف يا حبيبي
مين جازاني ومين جفاك
علي الشط واقفه بإنتظارك
يمكن يسمعني ملاك
ويوصلك نبض قلبي
يمكن أنول يوم رضاك

بقلم / نادر المغلوب