عينك للفرح عنوان
___________________________
في جوا عينيكي فيه فرحه
ومن نظره اكيد بتبان
وشعر مجمل الطرحه
وبسمه ماتعرف الأحزان
بعيد يا أم العيون سارحه
حاولت أهرب من الأحزان
علشان مارجع واعيش فرحه
قالولي في عينك العنوان
عنوان عينيكي
إن كان فرح
أنا نخلي في حبك طرح
عرجون كبير مليان بلح
وبعشق البلح ألوان
ياغنوة فرح بكتبها
حروفها كتير ما بحسبها
بقالي زمان
بقيت غنوه كتير حلوه
بلحنها بعود وكمان
فضلت أسأل واستقصا
عن الفرحه
قالولي في عينك العنوان
قعدت أحلم كتير بالفرح
لكنه بينلي حلم بعيد
كأني كنت في جنينه
كانت طارحه عنب عناقيد
وعنبها كان من الفرحه
بيتمايل عالأغصان
حزين والحلم كان فرحه
علشان مليت من الأحزان
لقيت ياأم العيون سارحه
في عينك للفرح عنوان
____________________
كلماتي / محمد مفتاح
ليست هناك تعليقات:
إرسال تعليق