قالوا ربيعنا \بقلم جيهان الصبان

قالوا ربيعنا هل
وخضر الأغصان
ومكان جفاف الورد
اتزهرت أزهار
وغردت الطيور
على كل غصن
ودار
ونسيمنا هل علينا
وشفى عليلنا كمان
من مرض خطير
ياسلام
والنيل يا محلاه
يسقى العطاشى
كمان
والليل عدي خلاص
وحياتنا كلها نور
والنَّاس ف هنا
وسرور
وكأنهم سلاطين
الصبح ياكلو
حمام
ومعاه كمان سوتيه
والظهر ياكلوا نعام
بالشوكة والسكين
والعشى ع الكورنيش
عايشين ف عز وهنا
بس انتو مش شايفين
غميتوا عنيكوا ليه
ياناس يا غفلانين
يا ال انتو بتهجصوا
وخلاص ومش فاهمين
وال فهم منكم
شويه مش كتير
عايزين خراب البلد
ياخونه يا ضايعين
قبضتوا فلوسكوا منين
وخنتوا بلادكم ليه
ولا أنتو عايزين إيه
يالا اسكتوا واخرسوا
وطبلوا وارقصوا
لإنجازات البيه
يأما تيجوا معايا
وعارفين نهايكوا
إيه
‫#‏عاشقة_الوطن‬
بقلم
جيهان الصبان