أسمــــاء
(13)أنــا والدنيــا
*********************
غريبة الدنيا
فتحــت إيديها ليا 00 فجـــأة
وقفلت إيديها ليا 00 فجـــأة
طب كان إيــه السبب
قالت لي :
أبـــــدا مفيش سبب
أوعاك تتمني الأماني
ما لكش عندي حاجة تاني
أنا كده 00 وها فضل كده
وزي مانت قلت عليا لعوب
وحياتك ها خليك في العذاب تدوب
لكن الأمــان000 كان زمــان
وهاديك الأمــارة
زي ما الحب جالك فجـــأة
خـــدته منك برضه فجـــأة
ماهي كانت مني لعبــــة
وضاع الحب وكان ياما كــان
موت لك وبإيديها جنين الحب
ومش هاسيب لك غير الغلب
طب وبعــد كده يا دنيا
إيـــه اللي ممكن يفضــل 000 يبقي ؟
وإيــه يخليني علي حياتي 000 أبقي ؟
ما كل ده اللي خلاني
للنضارة السودة أرجع تاني
مانا قلت لك ياصاحبي
مالكش عندي أبدا
حاجة تاني
أي حاجة إسمها الأمــاني
وهاضيع الضحكة
واموت لك الأمــاني
يادنيــا 000يادنيا حــرام
كان نفسي أفرح معاها
كان نفسي بالحب أوصل لسماها
لكن يادنيا : الغريب إني ما بدأتــش
البدايــة كانت منها
وأنا مانهتـــش
والنهايـــة برضـــه منها
بس مش زعــــــلان
لأني أتعودت منك عدم الأمــان
هي اللي خسرت قلب إنســـان
ومش نــــدمـــان
ماهو من الأصــــل البدايــة غلط
يبقي طبيعي النهايــة تبقي غلط
ومـــش زعـــلان
مش ندمـــــــــــان
ما كلهم ما لهمش أمــان
زي أمهم مالهاش أمـان
مانا قلت ياصاحبي
كانت مني من الأول لعبـــة
وماخدتــش بالك
عدت عليك المرة دي
لا يا دنيــــا :
كنت عارف من الأول
بس ياخسارة قاوحــت
صدقت بنت حوا
قلت في بالي يمكن تكون أسلمت
لكن أتــاريها لسة بالحب كافــــرة
ولســــة يا دنيا لينا ناكـــــــــــــرة
عــــارفة يا دنيـــا
لو فضلت وحدي الناس تحاربني
لو اخلصت ليهم الناس تسيبنــي
لو كدبت وسرقت الناس تجيبنـــي
لأنك إنتي كده والناس كده
وهيــــا كده
الغلط عندكم صح 00 الصح عين الغلط
والمطلوب مني
إني لازم امشي علي هواكم
وزي مانتوا عايزين
وأرضي الملاعيــن
اللي ضيعوا مني أحلي سنين
ياقلبـــي :
كفايــــه وخف عليا شوية
عشان ماحدش يســـتاهلك
ما كلهــم زي سكينة وريا
وابعد عنهم بدل ما تهــــــلك
طاوعنـــي يا قلبي ومش هاتخســـر تاني
مش يمكن لوحدوينا نلاقي الأمــانـي
ياقلبـــي :
ماهو علي رأي اللي قــال:
الدنيـــا سيمــا في طبيعتها وكلها أفلام
بنمثل فيها وبنخرج قبــل ما بنـام
لوعجبـــك دورك تستعجب وتقـول ياســلام
وان خانك حظك بتــروح في خبــر كـان
إنســــــي يا قلبي الناس والدنيــا
وعيـــــــــــش
عيش مع نفســــك ولنفســــك
عيـــــــــــش
لان مفيش حد يستاهلك
وأوعي
أوعي تآمــن للحب تاني
لتهـــــــــلك
*******
ليست هناك تعليقات:
إرسال تعليق