~♡ أمي جالتلى ♡~
لما نويت اكتب شعر ،،
عملت أم اويئ شاعره فى السنين الوعره ،،
جولتلها يااما،،
ماتهبطيش عزيمتى ياام الغوالى ،،
خلينى افك ضفاير شعرى على الورج ،،
سنين طوال وانا جدلاهم لحد ماكلنى الزهج ،،
جالتلى يابنيتي ،،
لو هتكتبي فى يوم كلمه حج ،،
من غير زيف من غير خجل ...............اجولك ماشي
جالتلي يابنيتي ،،
لو هتكتبي كﻻم الحب ،،
زى ماسمعناه فى المواويل................ هجولك سيري
لو هتكتبي كلمه صدج ،،
فى زمن ضاع فيه الصدج والصديج ..........هجولك جولى
لو هتكتبي كلمه وفا ،،
فى زمن ضاع منه الوفا ،،
زمن ختم المرور فيه غدر مع اﻻقامه الدايمة......... هجولك جولى
ولو ولو تفتكرى يابنتى هتجدري .؟
بصيت ﻹمى وما حسيت اﻻ وانا ،،
بلم ورجي واضم جلمى ،،
وجولت يااما ،،
يحرم عليى الشعر ،،
اﻻ لما اشوف البشر فيهم الوفى فيهم الصديج ،،
فيهم اللى يحب من غير زيف وﻻ تزويج،،
فيهم اللى يرفع شعار الحج وقت الضيج ،،
ولميت رحالى وجولت اجوب وادوب جوه الزمن ،،
......شفت الكدب !!
ضارب الصدق وحبسه فى زنزانه الخوف ،،
......شوفت الكره !!
طاغي ومتبسم ودايس على الحب برجليه ،،
.......شوفت الغدر !!
ماسك سكين يجز ويقطع فى الوفا وكاسرله عين ،،،
جولت اجازف ياام الغوالى ،،
واعمل بكلمتك انى أكون اجوي ،،
لميت كل العفن فى بؤجه ورميته البحر ،،
لقيت البحر هاج وماج ولفظ البؤجه على الشطين ،،
.......وجال البحر ،،!!
عيوب البشر مايغسلها ميه مالحه ،،
ليه تعكروا ميتى الطاهره بدنس البشر ،،
عيوب البشر مايغسلها ميه مالحه ،،،
عيوب البشر مايداويها اﻻ دم العين ،،،
.....وعرفت يااما !!
ان مافي فايده لميت رحالى ورجعت دارى ،،،
رميت ورجي ...
كسرت جلمى ...
شجيت كل الدواوين ،،
وجولت فهمت يااما ياام الغوالي ،،،
عملت أم اويئ الشاعره فى السنين الوعره !!!
وكفى بالمؤمنين شر القتال
ليست هناك تعليقات:
إرسال تعليق