( اعتـــراف ) ـ خواطر مسائية ـ بقلم: خالد العتر

خواطر مسائية
بقلم: خالد العتر
اعتـــراف

عارفة ليه حبيتك انتي؟

لما شوفتك م البادية
سهم صابني من عينيكي
ضحكتك شدتني ليكي
همس صوتك خدني ليكي
و ما قولتي لازم امشي
مشيتي....
وفضلت افكر فيكي
وبشرة حلوة شاورتلي عليكي
والتاقينا في حفلة حلوة
كنتي انتي النجمة فيها
وعقلي كان مشغول بيكي
وابتدي بينا الكلام...
وحكيت عني بكل صدق ليكي
سؤال حياة سألتوا ليكي
وإجابة صادقة قربتني بيكي
وسط شغلي وانشغالي
فضلت افكر فيكي
واتصال شبه يومي بينا
خَدَّك ليا واخدني ليكي
اهتمامك اللي زاد يوماتي عني
خالاني انسي كل الدنيا ديا
وما ارتبط غير بيكي
عرفت ليه حبيتك انتي واعترفت ليكي