( واحد قهوة ) ـ للشاعر / أحمد منسى

واحد قهوة

واحد قهوة من غير سكر
تشرب وتسقينى أشرب أسكر
والغريبه إن حبيبتى عملاها سادة
والاغرب إن طعمها مسكر
والطبيعى إن القهوة بتصحصح
واللى مش طبيعى إنى بطوح
تشرب وتسقينى أسكر أكتر
والمعروف إن القهوة
بعد السكر بتأفور

يخلص الفنجان أقول عايز تانى
أشرب واطلع بخيالى للعالى
إتخيلتها فى حضني وبدأت حكاوى
عن زماااان وعن دلوقت
وحبنا اللى بيكبر مع الوقت
فجأة تهزنى فوقت فصلت
ألقى الحقيقة غير خيالى
أقول عايز قهوة تانى
وتعملى قهوة تانى قدامى سادة
تشرب وتسقينى برضوا سكرها ذيادة
بس المرادى من كتر ماشربت شردت
وقلبت وطلبت معايا أبوسها دلوقت
بوستها أفورت وشعشعت بذيادة
واكتشفت
إن السكر كان من شفايفها
وسكرى كان من ريقها
وأصبحت مدمن القهوة
من فنجانها
ومن وقتها لدلوقت
أسكر وهى فى حضنى
من غير ماتخيلها
عشان الواقع مع حبيبتى
أجمل بكتير من الصورة
اللى كنت فى خيالى راسمها
رسالة إلى كل من ليه حبيب
وتارك الأصل وعايش مع صورة
اتركوا للعشاق القادمين ميراث
اجعلوا من الحب فى الواقع أسطورة
سطروا من الحب قصصاً يقتبس منها
الشعراء أجمل الكلمات الماثورة
اعزفوا من الحب أعزب الألحان
يتغنى بها العاشقين لآخر الزمان
ارفعوا للحب راية فى كل ميدان
اصنعوا من الحب فى الواقع حضارة

أحمد منسى