( صرخت قلم ) ـ بقلم الشاعر / محمود البراد
صرخت قلم
وقولت اكتب جواب
لوم وعتاب
جبت ورقه وقلم
تتسرسب حروف الخوف
ترسم شبح بيطوف
صرخ القلم
لاء ....حرام
دا كل جرت قلم
بألم للجراح تتزف
وكل كلمة كتبتها
لسه دمها بينزف
حرام عليك
كلام كتير أكتبه
والورق من الخوفيرجف
حرام عليك دموعى
على الورق للنار تتزف
من القهر أنا كليت ..مليت
دا حتى حبرى جف
حرام عليك يا وطن
ثور بقى
نفض تراب العذاب
من فوق كتاف الشقا
ثار الوطن وقادة نار حواليه
ربطواه بسلاسل حديد
وحكموا الرباط عليه
النار تزيد
مخنوق يا وطن بالقيد
والدمع يروى ترابك
عروس النيل فى البيت
والمهر دم شبابك
لوينزف راح يطرح ورد
يزين جناين ثواراتك
لويتجمد تموت الكرامه
ويحكم فيك كلابك
ليست هناك تعليقات:
إرسال تعليق