لسه الحياه حلوه
*******************
اذا كل السُبل
واتسدت
وقلاع من امان
و اتهدت .
لو كل الزهور
دبلانه
وعيون الصغار
زعلانه
***
لو كل الدروب
بتووه
أو خان العهود
مشبوه .
اذا حلمك ازاز ؟!
لو مرمر ؟!
أو فص لولى
اتكسر ...
******
انفض غبار يأسك
انهض وقوم دور
عن حلمك التانى
عن شمعه بتنور ..
**************
ازرع بذور همّه
ازرعها و اتمنّى
اكسر سكات ليلك
بحكايه و كمنجه
***
انشر شذا الورده
حارب ظنون بكره
أو حب
من تانى ....
لسه الحياه حلوه ..
وربك كبير والله .
*******
ليست هناك تعليقات:
إرسال تعليق