" ياللا ...يا موت "
صدّقني يا موت مش خايف منكولآ قلقان على قلبي معاك
مش هاحلفلك....
إن عيوني بتتمناك
تيجي تزورني
وتطمّني
إن دي آخر لحظة ف عمري
وإن دي آخر شفطة شاي
من فنجاني
أنا بأشربها ونا وياك
وإن النفس الداخل صدري
راح يخنقني.....
من فرحته بالقعدة معاك
ما انت الحب الصادق فعلاً
وسط وحوش بتمثل دايمًا
دور العاشق
وماهوش فارق
لحظة معاهم ...بيموت مين !!
ياللا تعالى....
كل دقيقة تغيبها عليّا
بألمح فيها نصال سكاكين
حدّها فيّا
ومن حنّية قلبي عليهم
لسّه شايفهم ...بني آدمين
لسّه حاسسهم ...بني آدمين
ياللا موت ...ياللا تعالى
محمد البنا
ليست هناك تعليقات:
إرسال تعليق