( خلينــــــــى ) الفنانة والزجالة / فاطمة بصور
* خلينـــــي *
خليني بحال ديما
وبعد الخطرات
على وترات الروح
انعزفك لحن مبحوح
و لگلبي قبل گلبك
بيه انبوح
خليني فالمساوية
انحس باسراري
الحاجبة فيا داوية
داوية كلمة
سابقة نغمة
محنية بالحشمة
خليني انحسك غناية
ايرددها لساني فالسر
ملي اتكون حدايا
خليني ملي الصدعة
تغمز الوترة
والنغمة اتعنگ الكلمة
انغمض عينيا
وانطير الحشمة
وانشوفني فمومو عينيك
ويسرح خيالي
فظلام ليلك
ملي الگمرة اضوي
ليل العاشقين.
الفنانة والزجالة
فاطمة بصور
مجنونة الحرف والركح
ليست هناك تعليقات:
إرسال تعليق